+0 به‌‌یه‌ن
یالانلارا آند ایچیرم
بوش بوشونا یالانلارا اینانماغا
آنامین جانینا
تانریا
و اؤزوم اؤلوم دئدیم
ایناندیلار
آنجاق ! سنه یوخ ! منه
گؤنده ر
بؤلوم لر:
قوشوق (شعر)
+0 به‌‌یه‌ن
اوزاق- اوزاق
دؤورانلاردان
ائلچی گلن ائللی
سازام
اوزون – اوزون
كروانلاردان
دستان آچان تئللی
سازام
"شامان"
لارین سینه‌سینده.
زامان زامان جیلالانیب "قوپوز" آدلی آدلانمیشام
گؤنده ر
بؤلوم لر:
قوشوق (شعر)
+0 به‌‌یه‌ن
جَله
قوردوم
سن
اوچاركن ساپی چَكدیم
سنه
من دن سپه‌جم
آجلیق
هئچ بیلمه‌یه‌جكسن
سوسوزوب
قالمایاجاقسان
دئ ندندیر
قادنادین اوت سپیریر!؟
هایقیریرسان،
قارقیشیرسان
سنی
من چوخ سئویرم
سنین
اؤزگورلویون آنجاق باهاسی
دن‌دی!؟
سودور!؟
یوخسا
بو سئوگی!؟
ائله
بیل گئتمه‌یی چوخ چوخ داها چوخ چوخ سئویرن
سنی
من دار قفس ایچره سالابیلمم
بو
آنامدیر منه اؤزگورلویو اؤیردیبان اؤزو اؤزگور یاشایانمیر
هادی...
گؤنده ر
بؤلوم لر:
قوشوق (شعر)
+0 به‌‌یه‌ن
بیر ایگید دوستاق توالتینده نوشابه شیشه‌سی سی... یر
بیریسی ایسه یئملی باتومون دادیندان دانیشیر
شیشمیش باشینی قاشیر دانیشیر
ساغ قولو سینمیش اوغلان سول اَلی‌ایله تانریلا یازیشیر
... بیز بورداییق–
سن هارداسان!؟ ساتاشیر
گؤنده ر
بؤلوم لر:
قوشوق (شعر)
+0 به‌‌یه‌ن
دار
آغاجی ...
دار آغاجی !
بوو
آلاتورانلیقدا
بیر قیرپیملیق
قولاق وئر منه
دار آغاجی !
هئی، هئی
بیزیم
دونیامیز
اؤته‌سیز بیر
دونیا
اویوتمازلی،
دهشتلی بیر
دونیا
بیزیم
دونیامیزین
گوندوزلری،
گئجه‌یه ساریلمیش
و قاپ- قارالیق
جیزگیسینه یوكسه‌رك
و گئجه‌لری،
یئیین‌سیزلیك‌لره دؤنموش
زامان بورادا
یئریندن ترپنمه‌ییر
و كؤلگه‌سیزله‌ییر
خیلی كؤلگه‌میز
باخان
گؤزلریمیز باخیلماز اولور
و یاشام تپه‌لری
آشیلماز
دار آغاجی !
آه دار آغاجی
بیر دونوق
شفقدن باخیرام
دونیامیز
گونشین خسته خاناسی
و "من
اونون عینادجیل سس سیزلییی یم"
و دیریلیگیم
اونون اؤلوم خَره‌یینده
و پنجره‌مین
قاپالی قاپاق‌لاری
سوسقونلوغا
آچیلیر
سایخینلیغا
دؤنورم
سونسوزلوغا
آه دار آغاجی
!
دونیا منه
دوستاقلانمادا
من دونیایا
آغیر گلیرم
باریت قوخوسو
گلیر آدام‌لاردان
قاپی‌لاردان
قاپالی لیق
گونئیلی پنجره‌لر
قوزئی‌لره ساری آچیلیر
قوزئی‌لری
شورابیل كیمی باكیر
بوردان آجیخمش
بوداق‌لارین ایییسی گلیر
و آدام‌لار
چیچك‌لرین
دیلینی بیلمه ییر
منی باغرینا
باس دار آغاجی
روحوم
دارتیلمادا
قورخورام
و قورخو
قانیمی داماریمدا دوندورور
دار آغاجی !
هئی، دار آغاجی
منی راپور وئر
سایاقلارینا
سنی گئیمك
ایسته‌ییرم ...
قایناق: http://www.aycalanir.blogfa.com
گؤنده ر
بؤلوم لر:
قوشوق (شعر)
+0 به‌‌یه‌ن
تاپمازلیق هاواسی
گؤزلوردوم
داغلارین دالیندان گلسین
تكم تك
شاختادا بایرامدا گلسین
دولاشدیم
داغلارین دؤرد بوجاغینی
تكم تك
كندلرین هر اوجاغینی
قوخلادیم بوسبوتون
اسن یئل‌لری
آختاردیم
بوسبوتون قالان ایزلری
تاپمازلیق
هاواسی یاغماغا گلدی
گؤنده ر
بؤلوم لر:
قوشوق (شعر)
+0 به‌‌یه‌ن
قهوه‌چی
قارداش!
عیراق
توٍركمن‌لرینه
گئجه شره‌‌حی چؤكوب جانیما
آپ ـ آغیر
كابوسلاریم منیم گؤزو یوْلدادیرلار
قهوه‌چی قارداش!
آجی گون‌لر كئچیرمیشم
آجی چای گتیر!
قهوه‌خانانین دامیندا منه بیر اوزانیم یئر وئر
ماوی یورغانیم
برك یورولموشام
بو یوللاردا
دویغوم قاراتیكانلی خولیالاردا
یارا قاناد دوشوب
ایل‌لردیر یازین شكیلینی یالنیز
كاغاذلاردا گؤرموشم
كابوسلاریم منیم، گؤزو یولدادیرلار
چای گتیر!
چای گتیر!
قهوه‌چی قارداش!
--
سید
حیدر بیات
گؤنده ر
بؤلوم لر:
قوشوق (شعر)
+0 به‌‌یه‌ن
ایندی
اوزاندیم ایكی پتو آراسینا
یایین
اورتا آییندا اوشویوردو جانیم
دؤرد
بوجاغیم دمیردن‌دی، دمیر
قاپیلار،
پنجره‌لر، دووارلار، مؤهور
اؤزومده
دمیرله‌نیردیم یاواش‌یاواش
آیاق
دمیر، قولوم دمیر، ایچیم دمیر
فیكیر
چورویوب، جولوموش جئجیم
اؤره‌گیم
پاسلانیر شئه‌لیك ایچینده
گوزگوسوز
دووار
اوزوم
دگیشیب‌می ؟ آرتیق بیلمیرم
قورخورام
دمیردن آدام اولموشام
بو آز
چاغلاردا
اوشونور گؤزلریم قاپی باغلاندی
گؤنده ر
بؤلوم لر:
قوشوق (شعر)
+0 به‌‌یه‌ن
قاراما دوت
تویوق یومورتاسیندان دوغولان ده‌وه‌لره
خیرپینی چكمیش اوزانلارایسه
توپور
كیتاب آلیب اوخومویانلارین اوزونه
گؤنده ر
بؤلوم لر:
قوشوق (شعر)
+0 به‌‌یه‌ن
ساغلیق‌سیز ایچگی‌لر
ایچگی‌سیز ساغلیق‌لار
خط‌سیز كاغیذلار
كاغاذسیز یازیلار
اوراغلار
گزیشیر بوغدالیقلاری
من
نه هایدا !؟
سن
نه هایدا !؟
یوموشاق دانیشیق
خنجرلی باخیش‌لار
دیلكلی ناخیش‌لار
ناخیش‌لی دیرناقلار
گیوتین قوخلاییر
یاشیل باش‌لاری
من
نه هایدا !؟
سن
نه هایدا !؟
شعریمیز دوزن‌سیز
آبارتمیش یالانلار
آیاقسیز قالانلار
قالارقی ساتان‌لار
سوله‌نیر كؤپكلر
قبریستانلاری
من نه هایدا !؟
سن نه هایدا !؟
بوزلامیش گئجه‌لر
بوغونتو هاوالار
هاوالار باشلاردا
آدامسیز حاوالار
شیطانلار اوچورور جنت اؤلكه‌نی
من نه هایدا !؟
سن نه هایدا !؟
گؤنده ر
بؤلوم لر:
قوشوق (شعر)
+0 به‌‌یه‌ن
دئییلیر كی
اسكی چاغدا
آتالاردا ، آنالاردا میمونوموش
یارانمیشیق او نسیلدن
هیرارشیستی یارانیشا اینانیبلار
آنجاق منیم بیر سؤزوم وار
تانری منی یارادیبدیر
آنا یوردوم توپراغیندان
آزربایجان بولاغیندان
من كی میمون گؤرمه‌میشم زنگانیمدا
سیزلر نئجه ؟
---------------------
1- هیرارشیستی یارانیش=
آددیم‌آددیم ایره‌لی‌له‌مك (تكامل تدریجی) گوج یولو‌ایلا.
گؤنده ر
بؤلوم لر:
قوشوق (شعر)
+0 به‌‌یه‌ن
خشنه‌كلی‌لر
سانجی باسدی قارینلارین
كؤپدورموشدو یئدیكلری
باغیرساغلار قوروموشدو
دَلیك‌لری توتولموشدو
هاوا آلانمیر آق جییر
گؤزلری قانلا دولموشدور
هایقیردیلار آغی‌لاندیق
سالدیردیلار، اؤلدورولدوك
منجه ائله حاقلاری‌دیر
حاققی یی‌یه‌ن؛ سانجیلانار
گؤنده ر
بؤلوم لر:
قوشوق (شعر)
+0 به‌‌یه‌ن
بیر
قیز - آئنزا پاند
آغاج
اَل‌لریمه گیردی
اؤزو
قول‌لاریما سیزدی
بؤیوردو
آغاج كؤكسوم‌دن آشاغی
اوزاندی
قول‌لار كیمی بوداق‌لاری مندن
آغاج‌لارسان
یوسونسان
سن
بنؤوشه‌لرین
اوستونده یئل اَسن
بیر
جوجوق‌سان بو قدر
آما
تارتان - پارتان گلیر عالمه بونلار
گؤنده ر
بؤلوم لر:
قوشوق (شعر)
+0 به‌‌یه‌ن
اوزولسم‌ده
بو
یوللاردا دوغولموشام
من
ایندی‌ده اوزاغلاردا بوغولموشام
قاشیق
قاشیق بوشالمیشام
میللتیمله
دولونموشام
یول
قیراغی قبیر داشی
هر
قبیرین اوستونده‌ده
نئچه
اینسان آغلاشیرلار
قبیر
قبیر سوخولموشام
توتوشموشام،
آلیشمیشام
دیلیم
دیلیم پایلاشمیشام
اؤكسورموشم
دیری‌لرین قولاغینا
اویانسینلار
من اؤلونون هارایینا
یوللار
منی آتیر دوتور
قوملارینا
ساپلانمیشام
بیر
اؤلونون اویخوسوندا
بیر
منیدیم
پارپاقلاندیم
بیر آغاجین بوداغیندا
همن
یولون قیراغیندا
یاشیل
یارپاق آغاجلارین اومودودور
كابوسلارا
سون وئرجك
آغاجلاردان
آسیلاراق جان وئره‌جك
اووسونلاری
قایتاراجاق قاراپیشیك آخورونا
آنجاق
آنجاق بو یوللارین گئدیشی وار
دؤنوشو
یوخ كسریول یوخ
دوم‌دوز
گئدیر
سؤزسوز
بیتیر
گؤنده ر
بؤلوم لر:
قوشوق (شعر)
+0 به‌‌یه‌ن
چوخ سرت قاپی دؤینلر
ایذینسیز
آستدان- اوستدن
باجالاردان و داملاردان
ائشیتمه‌دیك سالاملارین
عَلیك‌لَرین
سؤندوردولر چیراغلاری
آپاردیلار اوشاقلاری
گؤنده ر
بؤلوم لر:
قوشوق (شعر)